Məxfilik siyasəti

1. Kim cavabdehdir

EVLO.AZ platforması — evlo.az saytı və Android və iOS üçün EVLO.AZ mobil tətbiqi — Ormus Technologies şirkətinə (VÖEN: 1310049261) məxsusdur və həmin şirkət tərəfindən idarə olunur. Fərdi məlumatların hansı məqsədlə və necə işləndiyini bu şirkət müəyyən edir. Sayt və tətbiq eyni hesabdan və eyni məlumatlardan istifadə edir, ona görə bu siyasət hər ikisinə aiddir.

• E-poçt: support@ormus.az
• Fərdi məlumatlarla bağlı müraciətlər: müraciət forması
• Rekvizitlər: Şirkət və əlaqə məlumatları

2. Hansı məlumatları toplayırıq və nə üçün

Axtarış, xəritə, elanlara və videolara baxmaq üçün hesab tələb olunmur. Hesab elan yerləşdirmək, yazışmaq, seçilmişləri və axtarışları saxlamaq üçün lazımdır. Hesab məlumatları elanda hamıya göstərilən məlumatlardan ayrı saxlanılır.

Hazırda saytda və tətbiqdə onlayn ödəniş qəbul edilmir, ona görə bank kartı və ödəniş məlumatları toplanmır. Ödəniş işə salındıqda bu siyasət yenilənəcək.

3. Mobil tətbiq

• Kamera və mikrofon — yalnız elan üçün foto və ya video çəkdikdə; foto və video qalereyası — yalnız fayl seçdikdə. Yalnız seçdiyiniz fayllar yüklənir.
• Yerləşmə — yalnız xəritədə «Yaxınımdakı elanlar» və ya «Mənim yerim» düyməsinə toxunduqda. «Yaxınımdakı elanlar» üçün koordinatlar təxminən 110 metrə qədər yuvarlaqlaşdırılıb axtarış sorğusu ilə göndərilir və saxlanılmır. Elan yerləşdirərkən «Mənim yerim» yalnız xəritəni yerinizə yaxınlaşdırır; elanın nöqtəsini siz özünüz təsdiqləyirsiniz.
• Cihazda saxlanılanlar: sessiya açarı — sistemin qorunan yaddaşında (Android Keystore, iOS Keychain); dil, hesabsız seçilmişlər, son axtarışlar, qaralamalar və yükləmələrin vəziyyəti — tətbiqin öz yaddaşında. Tətbiq silindikdə bunlar da silinir.
• Tətbiqdə reklam, izləmə (tracking), kənar analitika və xəta hesabatı xidmətləri yoxdur, push-bildirişlər istifadə olunmur. Baxışların necə sayılacağını Profil → Ayarlar bölməsində seçə bilərsiniz.

4. Brauzerdə saxlanılan məlumat

Sayt kuki (cookie) faylları yerləşdirmir; giriş və seçimləriniz üçün brauzerin yerli yaddaşından istifadə edir. Nəyin saxlanıldığı və seçimlərinizi necə dəyişmək olar — Kuki və brauzer yaddaşı səhifəsində.

5. Hansı əsaslarla işləyirik

• Xidmətin göstərilməsi — hesab, elanlar, yazışmalar və seçimlər: siz İstifadəçi razılaşması əsasında istifadə etdiyiniz funksiyalar üçün.
• Razılığınız — ayrıca soruşulduqda: dəqiq ünvanın göstərilməsi, «Analitika», yazışmada telefonunuzun qarşı tərəfə verilməsi, AI agentinə giriş, «Mənim üstünlüklərim», bildirişlərin Telegram və ya WhatsApp-a göndərilməsi. Razılığı istənilən vaxt geri götürə bilərsiniz.
• Xidmətin və istifadəçilərin təhlükəsizliyi — sui-istifadənin, saxta elanların və hücumların qarşısının alınması, moderasiya.
• Qanunun tələbləri — hüquqlarınızla bağlı sorğuların icrası və səlahiyyətli orqanların qanuni tələbləri.

İstifadəçi razılaşmasının qəbulunu bütün emal üçün razılıq saymırıq. Məlumatlarınızı satmırıq, reklam üçün istifadə etmirik və marketinq göndərişləri etmirik.

6. Kimə ötürülür və harada saxlanılır

Məlumatlar yalnız aşağıdakı təminatçılara və yalnız onların funksiyası üçün lazım olan həddə ötürülür:

Beləliklə məlumatlarınız Azərbaycandan kənarda saxlanılır və işlənir. Təminatçılar məlumatları öz qaydalarına və tətbiq olunan qanunvericiliyə uyğun işləyir; biz yalnız məlumatları bu siyasətdə təsvir olunandan aşağı olmayan səviyyədə qoruyan təminatçılardan istifadə edirik. Bundan başqa, məlumat yalnız qanunla nəzərdə tutulmuş hallarda səlahiyyətli dövlət orqanlarına verilə bilər.

7. Açıq elanlar

Elanda mətn, foto və videolar, qiymət və parametrlər, seçdiyiniz dəqiqlikdə yerləşmə, əlaqə adı və telefon nömrəsi hamıya açıq göstərilir. Standart olaraq təxmini ərazi göstərilir; dəqiq nöqtə yalnız sizin seçiminizlə açıqlanır və bu seçim qeyd olunur. Başqa şəxslərin məlumatını yerləşdirmək üçün səlahiyyətiniz olmalıdır. Açıq məzmunu üçüncü şəxslər və axtarış sistemləri görə bilər. Bizim nəzarətimizdə olmayan müstəqil nüsxələrin hamısını dərhal siləcəyimizə təminat vermirik; bu, öz sistemlərimizdəki öhdəlikləri aradan qaldırmır.

8. AI

EVLO-nun axtarış köməkçisi sorğunu EVLO daxilində filtrlərə çevirir; EVLO məlumatlarınızı kənar AI provayderinə göndərmir. Kənar AI agentini siz özünüz OAuth ilə qoşursunuz; agent yalnız verdiyiniz səlahiyyətlər çərçivəsində məlumat alır, telefon nömrələri və dəqiq ünvan agentə verilən cavablardan çıxarılır. Qoşulmuş agentləri Kabinet → AI və inteqrasiyalar bölməsində dayandırmaq və ya geri götürmək olar.

9. Saxlanma və silinmə

Məlumatlar yuxarıdakı cədvəldə göstərilən müddətdə saxlanılır. Hesabınızı istənilən vaxt özünüz silə bilərsiniz: saytda Kabinet → Profil → «Hesabı sil», tətbiqdə Profil → «Hesabı sil» və ya Hesabın silinməsi səhifəsində. Nəyin dərhal silindiyi və nəyin, hansı məqsədlə saxlanıldığı (məsələn, anonimləşdirilmiş moderasiya qərarları) həmin səhifədə ətraflı göstərilir.

Verilənlər bazasının ehtiyat nüsxəsi hər gün çıxarılır, son 14 nüsxə saxlanılır; silinmiş məlumatlar ehtiyat nüsxələrdə 14 gündən çox qalmır. Bərpa zamanı silinmələr xidmət istifadəçilərə qaytarılmazdan əvvəl yenidən tətbiq edilir. Foto və video faylları bu nüsxələrə daxil deyil.

Yüklədiyiniz foto və videoların orijinalları ictimai deyil və elan və ya hesab silinənədək saxlanılır. Fotoların ictimai variantlarından EXIF və GPS məlumatları silinir; videoların ictimai variantları yenidən kodlaşdırılır və çəkiliş yeri kimi fayl metadatasını daşımır. Hesab yaratmadan kod istəmisinizsə, nömrəniz və kodun heşi qeyddə qalır — onların silinməsini müraciət forması və ya e-poçt ilə tələb edə bilərsiniz.

10. Hüquqlarınız

Qanunun nəzərdə tutduğu qaydada ödənişsiz olaraq məlumatla tanış olmaq, düzəliş, emalın məhdudlaşdırılması və ya dayandırılması, silinmə, razılığın geri götürülməsi və hüquqların müdafiəsi üçün müraciət edə bilərsiniz: müraciət forması və ya support@ormus.az; hesabın silinməsi — Hesabın silinməsi. Şəxsiyyət və ya səlahiyyət yalnız zəruri həddə yoxlanılır.

Qanunun 12-ci maddəsinə uyğun sorğulara 7 iş günündən gec olmayaraq cavab verilir; üçüncü tərəf vasitəsilə əlavə araşdırma tələb edildikdə qanunun icazə verdiyi 7 iş gününədək əlavə müddət barədə məlumat verilir. Dərhal görülməli tədbirlər bu müddətin sonuna saxlanılmır. Rədd və məhdudlaşdırma yalnız əsaslandırılmış qanuni hallarda tətbiq edilir. Səlahiyyətli dövlət orqanına və məhkəməyə müraciət etmək hüququnuz saxlanılır.

11. Yetkinlik yaşına çatmayanlar

Xidmət 18 yaşdan kiçik şəxslər üçün nəzərdə tutulmayıb: İstifadəçi razılaşmasına görə hesab yaratmaq və elan yerləşdirmək üçün 18 yaş tamam olmalıdır. Bu qayda yetkinlik yaşına çatmayan şəxsin məlumatlarının faktiki daxil olmasını istisna etmir. Belə məlumatın icazəsiz yerləşdirildiyini düşünürsünüzsə, müraciət formasından istifadə edin; məlumatın işlənilməsi və silinməsi qanuni əsaslar nəzərə alınmaqla yoxlanılır.

12. Mühafizə

Məlumatlar yalnız HTTPS ilə ötürülür; birdəfəlik kodlar və sessiya açarları yalnız heş şəklində saxlanılır, sessiya açarı hər yenilənmədə dəyişdirilir; işçilərin girişi rollarla məhdudlaşdırılır; mobil tətbiqdə sessiya açarı sistemin qorunan yaddaşında saxlanılır. Mütləq təhlükəsizlik vəd edilmir.

13. Dəyişikliklər

Siyasət dəyişdikdə yeni redaksiya bu səhifədə dərc olunur; redaksiyanın nömrəsi və qüvvəyə minmə tarixi səhifədə göstərilir. Əhəmiyyətli dəyişikliklər barədə əlavə bildiriş veririk. Yeni məqsəd və ya yeni ötürmə ayrıca razılıq tələb edirsə, onu ayrıca soruşacağıq.

14. Əlaqə

Ormus Technologies, VÖEN: 1310049261. Məxfilik və fərdi məlumatlarla bağlı suallar: support@ormus.az və ya müraciət forması. Rekvizitlər: Şirkət və əlaqə məlumatları.